தமிழ்ப் புத்தாண்டே தமிழீழம் கொடு!
தமிழ்ப் புத்தாண்டே
தமிழ்ப் புத்தாண்டே – 2040
திருவள்ளுவர் தொடராண்டே...
எங்களுக்குப் புத்தாண்டில்
என்ன கொண்டு வருகிறாய்?
எந்தமிழர்க்குப் புத்தாண்டில்
என்ன தரப் போகிறாய்?
நலமான உடல் வேண்டாம்
நலிவற்ற உள்ளம் வேண்டாம்
நாடுகேட்டுப் போராடும் – ஈழத்
தமிழன் மண்ணை மீட்டுக்கொடு!
வளமான வாழ்வு வேண்டாம்
வேளைக்கு உணவு வேண்டாம்
வீடிழந்து வாடுகின்ற – ஈழத்
தமிழன் வாழ்வை திருப்பிக்கொடு!
கைநிறைய காசு வேண்டாம்
காலடியில் கம்பளம் வேண்டாம்
காட்டுக்குள் சிறைபட்ட – ஈழத்
தமிழு டன்பிறப்பை விடுதலையிடு!
காதுக்கினிய கவிதை வேண்டாம்
கண்ணுக்கினிய கனவு வேண்டாம்
காலத்தைத் தொலைத்துநிற்கும் – ஈழப்
பிஞ்சுகள் துயரை ஆற்றிவிடு!
சூரியப் பொங்கல் வேண்டாம்
சுவைகூட்டும் செந்தேன் வேண்டாம்
சோர்வின்றி படைநடத்தும் – ஈழப்
போராளிக்(கு) இறவா நிலைகொடு!
இத்தனையும் கேட்கின்றோம் எதற்காக?
ஈழத்தமிழ் மண்ணொன்றே - உலகத்
தமிழர்க்குக் கதியாகும்; அதற்காக!
தமிழீழம் மலர்வதொன்றே – உலகத்
தமிழர்க்கு விடிவாகும்; அதற்காக!
- @ஆய்தன்
2 கருத்துகள்:
உலக தமிழர்கள் அனைவருக்கும் இனிய தமிழ்ப்புத்தாண்டு வாழ்த்துகள். தமிழீழம் வெகு விரைவில் மலர எல்லாம் வல்ல இறைவனை வேண்டுவோம்.
தமிழீழ விடுதலையே தமிழர்க்கு விடுதலை
பொங்கல் வாழ்த்துக்கள்!
கருத்துரையிடுக